ठाणे : स्टारफिश वेल्फेअर असोसिएशनतर्फे तुकाराम आखाडे यांच्या स्मरणार्थ जिल्हास्तरीय जलतरण स्पर्धेचे आयोजन करण्यात आले आहे. लहान वयोगटातील जलतरणपटूंसाठी प्रथमच जिल्हास्तरीय स्पर्धा आयोजित करण्यात येत आहे.

ही स्पर्धा सहा, आठ आणि १० या वयोगटांमध्ये होणार असून, यासाठी १५४ स्पर्धकांनी सहभाग नोंदविला आहे. यात ठाणे, डोंबिवली, कल्यााण, अंबरनाथ व नवी मुंबई आदी परिसरातील स्पर्धकांचा समावेश आहे. स्पर्धकांना प्रोत्साहित करण्यासाठी मान्यवर उपस्थित राहणार आहेत. यात ठाणेकरांनीही सहभागी व्हावे, असे आवाहन स्टारफिश वेल्फेअर असोसिएशनच्या अध्यक्षा वैशाली नेरपगारे, सचिव मनोज कांबळे व ठाणे जिल्हा जलतरण संघटनेचे किशोर गुप्ते यांनी केले आहे.

स्पर्धेविषयी...
दिवस : रविवार, ३० ऑगस्ट २०१७
स्थळ : कै. मारोतराव शिंदे तरण तलाव, ठाणे.
वेळ : सायंकाळी चार ते रात्री आठ.